 |
|
|
|
|
|
GABAY JACAYL AH
- Dahabow jacayl baa idilay, oo idaashadaye
- Cishqigaaga duulaanka ahi, waygu soo dagaye
- Haddii aadan daaweyn xubbigu, wuu idilayaaye
- Is dillaacin mooyee wax kale, iima soo dagine
-
- Dawo waxaan lahayn iyo sunbaan, duhur cabaayaaye
- Anigoon dakano aadmi qabin, ways daldalayaaye
- Dab haddaadan ii shidin la waa, inaan dawoobaaye
- Is dillaacin mooyee wax kale, iima soo dagine
-
- Nin dayuurad haysta yaan odhan, diilinta i saare
- Waxay sii daryaantaba kolkay, dowyo sare gaadho
- Daruuraha markay gaadho yaan, dam iska soo siine
- Is dillaacin mooyee wax kale, iima soo dagine
-
- Markab diririglayn iyo intaan, doonyaha raaco
- Badda weyn markuu ila derdero, yaankasoo degiye
- Meel aan dabbaal lagu karayn, Dahaboy caynkeeda
- Iyo
daakhil kaan tagahayaa, daacadda Ilaahe
- Haddii aadan daaweyn xubbigu, wuu idilayaaye
- Is dillaacin mooyee wax kale, iima soo dagine
-
- Haddaadse raro dun lagu daadiyey, oo daabac laga buuxshay
- Oo midabku deyldeylan yahay, dadabta gaadhsiiso
- Diyaar loo sameeyey iyo, dharkii deeqa aragaaga
- Oo damacu wuu badanyahee, deymo kaa qabato
- Yaan duunyo kuu siin hayaa, adi dadaalkaaye
- Danbigaaga oo idilna waa, layga dedayaaye
- Waan diir xumaan maalintay, diinftu kugu taale
- Xigaalada dugaalkeed badhbaa, la iska diidaaye
- Dadkiinaan
jeclaan iyo intaad, duray wadaagtaane
|
|
|
|
Dhanbaal
jaceyl
Maansadaan dha’leydaa haddaan qalin ku dheereeyo
balli
baan dhextaag nahay murti uma dhibtoonaayo
dhabi hiisaan ku hagayaa dhinac anoon seegin
ka dhirqo maantiyo bariba
waa la dhurayaaye
balaan dheeman teeydii u diro gabaygu waa dhaare
ma ogtahay dhanbaal jaceyl dhaxal gal weeyaane
dhabtiyo
wuu kaaga turjumi dhiiga socod kiisa
adna jeeraad soo dhawaato farxadi weyga dheertahaye
hawada dhexdeeniyo iga gudoon
salaan araxda soo dhaaftey
caashaquna kalsooni kuma dhammiyo dhiiri gelin toona
ha yeeshee
marbuu dheeliya aqalkaan dhigaha loo aasin
adna Dhooleey fogaatayoo xaalku wuu dhanaan yahaye
axdigii ma dhowrtoo matahay
taan u dhimanaayey?
dhuuxoo dhaqsi uga jawaab waan dhibtoo nahaye
aley lehe
dhirbaaxada jaceyl waan la dheygagaye
dhararti aad dhofta dhinbilo leyla dhacay fiidki
saqdii dhexe sidii dhalan wanigii
dhelalow kacaye
kama bogto dhuunigoo biyihi waanka dhowr sadaye
dhabihii aad qaadan inanyahey sii dhugtaa waliye
dheeraa bishan waxaan u dhigo sooba dhufan waaye
cashara
daadan iga dhaqmeyn dhimasho mooyane
xusuus tadana kama dhowr sado waandhex tagnahaye
hayga dheeran markale yaan wadnuhu
isoo dhicine
cidlo haygu dhafine qalbiga ii dhawee manta ,
|
|
